黃金滿屋茶餐廳 (已結業)

又一个长假期要结束啦，难得相约家人一齐出外晚膳, 虽然要分开几张枱坐, 但都系一个HAPPY DINNER!我哋去到黄金海岸商场, 行咗一阵。最后因为老人家想食中餐, 所以我哋拣黄金满屋甜品, 贪佢系中菜价钱又合理。基本上每款小菜都系HKD 70, 包一个𩠌, 一个饭, 例汤同热饮 (冻饮加HKD 3)。我哋点咗4 个𩠌之后, 职员有送例汤俾我哋, 我同老公都冇要, 但听返其他人讲, 个汤系偏咸, 咸到饮唔到的。三星蒽煎封海仓 - 条鱼偏细, 都滑, 不过不失! 虾干海鲜什菜煲 - 唔系好见到虾干, 海鲜有几粒青口、海带仔同蚬肉, 菜同粉丝都多O既, 唔讲, 真系以为食紧粉丝煲呀! 呢个菜味道偏淡 蜜椒七彩鸡中翼 - 虽然鸡中翼味道颇甜, 但系都算不错, 几好食! 有好多彩椒同洋蒽, 新鲜好食! 白肉金沙炒滑蛋 - 白肉系带子仔, 金沙系蟹籽, 呢个炒蛋口感不错, 味道适中, 几好! 喺黄金海岸唔一定要食中价西餐或烧烤O既, 如果想食中餐, 而要求又唔太高O既, 都可以试吓呢间。