影片
更多
2021-12-03
2235 浏览
一直都好想试下正宗嘅芝士火锅！未有得飞瑞士，唯有一尝开业逾半个世纪嘅瑞樵阁。相比起其他半岛酒店嘅餐厅，价钱又几平易近人，芝士火锅同岀面嘅瑞士餐厅差唔多 都系around $300。餐厅装潢模仿瑞士阿尔卑斯山小木屋，灯光昏暗，加埋蜡烛好有情调，氛围轻松唔会太拘谨，唯独枱同枱之间距离较近。▪️瑞士芝士火锅伴法式面包 $310瑞樵阁有2款芝士火锅~ 今次就拣左呢款moitie-moitie，较为传统嘅芝士火锅。而另一款则为烟肉芝士火锅，混合左四款芝士、较为淡身，有通心粉同马铃薯做配菜。芝士火锅未拎到上枱 已经闻到超浓烈嘅芝士香！以长叉一笃一浸，松软嘅法包轻易裹满浓稠嘅芝士。第一啖芝士味超浓！带咸香，酒味都几重吓，好有风味呢~ 唔知系咪落左白酒嘅关系，食落又无想像中咁腻，虽然都系腻。(怕呛嘅朋友仔不妨嗌少酒~) 呢个芝士锅越煮越浓芝士味！浓到有小小臭7越食越咸，不过酒味亦会随时间挥发。呢个重口味嘅芝士火锅真系未必个个岩，男朋友表示：下次都系嗌返淡口味嘅烟肉芝士火锅▪️蒜蓉香草焗田螺 $255田螺软腍带弹性，充满蒜蓉同香草香，做开胃菜唔错，旁边仲配左经煎香嘅面包条。▪️芝士包糠焗10安士美国有骨牛仔扒
相比起其他半岛酒店嘅餐厅，价钱又几平易近人，芝士火锅同岀面嘅瑞士餐厅差唔多 都系around $300。餐厅装潢模仿瑞士阿尔卑斯山小木屋，灯光昏暗，加埋蜡烛好有情调，氛围轻松唔会太拘谨，唯独枱同枱之间距离较近。
▪️瑞士芝士火锅伴法式面包 $310
瑞樵阁有2款芝士火锅~ 今次就拣左呢款moitie-moitie，较为传统嘅芝士火锅。而另一款则为烟肉芝士火锅，混合左四款芝士、较为淡身，有通心粉同马铃薯做配菜。
芝士火锅未拎到上枱 已经闻到超浓烈嘅芝士香！以长叉一笃一浸，松软嘅法包轻易裹满浓稠嘅芝士。第一啖芝士味超浓！带咸香，酒味都几重吓，好有风味呢~ 唔知系咪落左白酒嘅关系，食落又无想像中咁腻，虽然都系腻。(怕呛嘅朋友仔不妨嗌少酒~)
呢个芝士锅越煮越浓芝士味！浓到有小小臭7越食越咸，不过酒味亦会随时间挥发。呢个重口味嘅芝士火锅真系未必个个岩，男朋友表示：下次都系嗌返淡口味嘅烟肉芝士火锅
▪️蒜蓉香草焗田螺 $255
田螺软腍带弹性，充满蒜蓉同香草香，做开胃菜唔错，旁边仲配左经煎香嘅面包条。
▪️芝士包糠焗10安士美国有骨牛仔扒配烤玉米饼伴羊肚菌汁 $435
牛仔扒嗌左5成熟~ 肉汁成功被锁紧，肉味几重，近骨位富油脂香。肉质软腍，但就好有咬口 (咬到好攰)。牛仔扒本身调味唔算好重，咸香主要黎自面头嘅芝士。旁边望落好似玉子嘅玉米饼 口感味道几特别，绵密带咸香奶香。四百几蚊黎讲，中矩中规，食完无乜满足感。
▪️Chalet Suisse $195
好靓好多details位嘅朱古力屋！敲烂薄脆嘅朱古力片，就会见到忌廉同云呢拿雪糕。雪糕香滑有云呢拿籽，不过忌廉就无乜味。成个甜品嘅精髓一定系另上嘅朱古力酱！超浓郁！更带果酸！朱古力控忍唔住就咁饮晒啲朱古力酱。成个甜品味道就唔算好特别，但胜在造型独特 打卡一流。
▪️Peach Iced Tea $115
errrr 其实我都唔知点解男朋友要叫。。用一百蚊买左杯正正常常嘅peach tea。
食到最后仲有朱古力同蛋糕仔送~ 朱古力好浓！仲有流心添~ 方形个块劲似姜饼人version嘅蛋糕，质地烟韧实在，带肉桂同橙皮香，我就几钟意，不过男朋友食左一啖就放低左。红桑莓蛋糕仔就正正常常啦。
张贴
