曼谷車站

营业中

休息中

今日去哩间曼谷车站店舖装修到好似火车车厢里面，地方好大，枱与枱位置阔落，环境都唔错😎。餐厅上菜速度超快，第一道泰式鸡脚系我既至爱。酸酸甜甜辣辣地，好开胃。最钟意就系鸡脚口感，有弹性，黏住黏住既质感，正。海南鸡饭一碟两个人食怕唔够喉，可以学我地点半只海南鸡再加个油饭，份量绝对够两个人食。海南鸡系无骨既，啖啖肉，爽。鸡肉质地超级滑，一啲都唔鞋口👍🏼。另外有三款酱汁点住食，当然鸡最夹都系姜蓉❤️。生菜碎肉包，钟意哩到碎肉干身唔会太多汁，所以包生菜既时候好干净，唔会滴到周围都系。泰式香草味浓👍🏼。小食拼盘最好食就系虾饼，外皮炸到好脆金黄色，里面虾肉部份就好弹牙。春卷外皮脆卜卜。凤凰丸同鱼饼好重泰式香料味，可以辟除鱼肉本身腥味，肉质较淋👍🏽。