影片
更多
2023-06-03
1302 浏览
系想中环想揾好嘢食，价钱一定偏贵，满满食堂系中环少有抵食又有质素既选择，虽然位于地库，但系地方都相当阔落，带有日式既装修，坐得都好舒服。我同朋友都叫左石板烧套餐（$128），套餐包三款食材+咖哩饭/紫菜饭/白饭（任选其一），仲有自助沙律吧同中汤，为左石板d油唔好弹到件衫都系，餐厅仲提供围裙，非常贴心。我地一个拣左顶级牛肩扒+带子+石烧巨人蟹棒+紫菜饭，另一个拣左顶级牛肩扒+鸡扒+广岛蚝+白饭，整个套餐既份量非常适中，唔会饱到济，唔够饱亦可以去自助沙津吧添食，自助沙津吧仲有免费温泉蛋，可以用嚟捞饭，正！牛肩扒调味调中，煎熟左都无韧既感觉，送饭一流。如果去调味料区拎埋蒜蓉一齐煎，又系另一番风味。带子同蟹捧其实都唔洗系石板烧太耐，带子好新鲜，而鸡扒本身都咸咸地，煎完之后，味道更加不错。广岛蚝就需要煮耐少少时间，如果心急既人，就唔适宜点这款食材。最后我地仲叫左仙草古早冬瓜茶，唔会太甜，可以一试。石板烧套餐 $128
我同朋友都叫左石板烧套餐（$128），套餐包三款食材+咖哩饭/紫菜饭/白饭（任选其一），仲有自助沙律吧同中汤，为左石板d油唔好弹到件衫都系，餐厅仲提供围裙，非常贴心。
我地一个拣左顶级牛肩扒+带子+石烧巨人蟹棒+紫菜饭，另一个拣左顶级牛肩扒+鸡扒+广岛蚝+白饭，整个套餐既份量非常适中，唔会饱到济，唔够饱亦可以去自助沙津吧添食，自助沙津吧仲有免费温泉蛋，可以用嚟捞饭，正！
牛肩扒调味调中，煎熟左都无韧既感觉，送饭一流。如果去调味料区拎埋蒜蓉一齐煎，又系另一番风味。
带子同蟹捧其实都唔洗系石板烧太耐，带子好新鲜，而鸡扒本身都咸咸地，煎完之后，味道更加不错。广岛蚝就需要煮耐少少时间，如果心急既人，就唔适宜点这款食材。
最后我地仲叫左仙草古早冬瓜茶，唔会太甜，可以一试。
石板烧套餐 $128
张贴
