龍寶酒家

营业中

休息中

呢排澳龙又话入唔倒中国而卖到好平，喺街市见大概二百蚊一斤。所以当见倒报纸广告话龙虾伊面每份$138，瞬间被吸引，即刻打电话去问下详情。接线员话一份一只龙虾，大约重十二至十四両。要留意嘅系上到观塘广场十五楼，要再行一层楼梯先到酒楼。相信会有货到酒楼𠮶层，但系我无问倒。芝士龙虾伊面 - 龙虾系开边上。味道唔错，不过个汁唔够杰，介乎上汤同烩之间。鸡油豆苗 - 好香，唔油腻，但有啲细碟。不过唔知道点解而家啲豆苗好大条，唔似苗啰。虾酱骨 - 炸得好干身，好香口。美中不足系排骨太瘦，而且虾酱味唔多够。三个人食完三碟𩠌都仲未够喉，再叫多个海参鸡煲。调味真系唔错，空口食都唔觉得咸。海参切到细细条，但比例上都唔算少。鸡件又系细细件，好入味，个汁好好味。整体味道系唔嘅，价钱牌又好似系咁上下价钱，只系份量比一般细少少。