潮興旺生滾粥

营业中

休息中

早几日经过揾食……好耐冇食粥㖞！行左过嚟……望一望……个名唔同左既，可能真系太耐冇行呢个位置，但又觉得个店名有d熟，试下啦。及第粥上枱既时候，已经睇到碗粥好绵，再撩下睇睇多唔多料，都几多下：猪膶微滑仲有少少原本个质感腌得几好食，粉肠猪肚够晒淋，猪肉丸猪腰合理味道，肉片就普通，个粥本身都好重味，我个人觉得可以。炸两嚟既时候仲微热，油炸鬼少少脆既，即叫即整，豉油又分上超有诚意！！我食既系下午茶时间，人少少静静地。上网睇番，原来潮兴旺旧址系上水，记忆中出品一般般，今次食我觉得几好，个价钱又平。