金牌小龍 (已結業)

最近多左出街食饭,因为无咁多人亦唔驶等位,呢一晚就拣左系isquare既金牌小笼。同样地,平日晚上唔驶等位,两个人亦被安排四人卡位。小笼包一客有五只,都系$40几一笼,热辣辣,加上皮薄多汁,以尖沙咀区既上海菜质素可谓非常抵食。酸辣汤面,酸辣度适中,面既份量都唔少,奈何好易索晒d汤,以致有d似干捞面咁,同埋由于唔够汤,所以食落个面会有d淡。蟹肉扒西兰花,蟹肉就唔系好多,清清淡淡之选系ok既。红油菜肉云吞,不过不失,略嫌辣椒油唔够香。食完之后想叫个甜品,拣咗豆沙锅饼,不过侍应就话今日未能供应所以就算数了。顺带一提,我哋坐嘅卡位系最入既位置,食饭其间一直都会有收碗碟既车推黎推去,会keep住发出嘈音,如果坐呢边嘅位置就需要注意。总括而言,好推介呢度嘅小笼包,其他食物就中规中矩,但以尖沙咀上海菜计,金牌小龙比上海婆婆𠮶啲原来系平d,不过小菜款式就会比较少。