板燒郎燒肉鐵板放題料理專門店 (已結業)

板烧郎呢间放题我起码嚟过五次(因为佢个宵夜时段真系劲抵！159咋！)，每次黎都会觉得好新奇。之前嘅长脚蟹放题我觉得系我咁多课题入面最钟意既，不过今次黎就系为左佢个大闸蟹。大闸蟹食落去味道就一般，但佢胜在你间食肆都几落足本，可以比每个客人都食到饱为止，我觉得368呢个价钱嘅话都已经真系好抵。而我觉得你间铺头其实最好食系佢嘅刺身，佢啲刺身好新鲜，食落去都爽口嘅，非常推介！另外我觉得佢嘅泰式小菜（飞天炒通菜），系炒得非常好食。但系个泰式生虾就麻麻地，有少少失望，因为几次黎佢都好似未解晒冻，食落去好似仲系有啲雪味，仲系冻嘅，可能系因为佢出野要好快。另外，如果要改善嘅话，其实我最希望系佢泰式炸虾饼，或者鱼饼，隔离可以加过酱汁，如果唔系就会好似冇乜味。如果要推荐嘅话，我反而会推荐翻长脚蟹放题。不过整体上综合返晒佢价钱、环境、食物质素、服务态度，板烧郎应该会系我最推荐嘅放题餐厅。