平民扒房@友蠔食 (已搬遷) 新店位置

旺角通菜街又称女人街，以前就以排档见称，但近年躲藏喺排档之后嘅餐厅都好多选择，而且都不乏捧场客，有唔少都要排队等位，今日就选择咗平民扒房@友蚝食。呢度其中一款招牌菜式就系热石板牛扒餐。另外一款主打就系生蚝，而且仲做紧优惠。热石板餐包含咗蕃茄汤，味道又香又浓。嚟呢度当然要食生蚝，浅尝价6只生蚝只需$128，呢个价钱真系必食。顶级法国生蚝海水味较浓，生蚝亦够creamy。西班牙珍宝生蚝就以size取胜，味道亦不错。巴西牛柳400g估唔到系咁大堆头，满满咁舖喺热石之上，店员仲会好细心讲解如何自行烹调牛扒，要生啲熟啲完全由自己控制。蔬菜有西兰花、甘笋仔、粟米、车厘茄，下面仲有好好味嘅薯蓉。另外仲拣咗蒜蓉白汁蚬意粉，意粉嘅白汁唔算好浓，更能衬托出蒜香，加埋洋葱同香草，整个意粉味道更加丰富。蚬肉总共有七只，而且粒粒饱满。杂莓特饮同埋芒果乳酸特饮只系加$12，绝对抵饮。食埋生蚝埋单都只不过系$220一位，价钱真系够晒亲民！