龍泉冰室 (已結業)

星期六朝早去九龙城，见到呢间餐厅嘅餐牌设计比较特别，同埋见到啲价钱都唔系太贵，就试吓呢度嘅早餐set。我就叫咗个五香肉丁公仔面，阿女就叫咗个罗宋汤牛腩粒通粉。两个set都系包厚多士同埋火腿炒蛋或者火腿奄列，再加杯嘢饮。入到去地方都宽敞，同埋要量体温。个多士都好香牛油味同烘得够时间，个炒蛋同火腿就中规中矩，味道比较淡，所以侍应都问我哋需唔需要加盐或者胡椒粉。当两个粉同面嚟到嘅时候，就觉得份量超级大。我个女系食咗半个通粉已经饱咗。我有试佢个罗宋汤，味道都好浓而且唔辣，牛腩粒都唔会好un。食完都唔会口渴。而个五香肉丁都唔算少𩠌，但整体就冇咩特别。