ASAP As Simple As Possible

营业中

休息中

男朋友友住第一城，其他连锁食店都食到厌哂，今次终于的起心肝试呢间开左都一段日子的餐厅。一直都知道佢价钱唔平，不过店舖装修都几好睇，坐得都舒服的。午餐时分，都要拎飞等位，等左约5分钟入座。餐牌大大分约易睇，款式唔算好多。同男朋友一人点左一个餐，有汤有饮品。我地一个叫左粟米汤，一个叫左黑松露忌廉汤。啲汤用佢地既特式杯装，几精致。粟米汤好浓郁香甜，唔似得茶餐厅果啲冇味又稀咁，饮得好滋味。而另一个黑松露汤闻落同食落都好大阵黑松露味，一样系好浓郁同埋几rich，好味道先上菜系男友既黑松露杂菌意粉。卖相就普普通通，闻落有黑松露香味，可惜食落就冇乜。意粉炒得过淋，口感一般，而个汁都唔够rich。啲菇都多既，意粉份量适中，不过咁既质素卖80几蚊就唔太值啦。然后就系我呢个海鲜浓虾汤泡饭。份量都几多，上面海鲜亦唔少，有蚬、虾、鱼、青口等。青口唔太新鲜，其余既都唔错。个汤底几浓郁，配埋个饭食都唔错。另外饮品叫左冻奶茶冻柠茶，质素都不过不失啦。总结而言，食物质素都还可以既，但价钱就偏贵啰。