貳號冰室 (已結業)

老实讲，以冰室做卖点嘅舖都唔少伏。而呢间貮号冰室嘅价钱都偏贵。 一般食得饱嘅饭或者面都成50-60蚊。而且有啲配答都几创新下，唔系果啲卖传统情怀嘅食物menu. 本身都谂住系咪老板太有信心，太大想头，谂住装修得有啲怀旧就学人收咁贵。点知原来重点系食物质素上面。我叫左个午餐B 咖哩鸡球饭。首先就咁睇啲咖哩汁都唔系茶记果只加水过度果种。食落几有惊喜，个汁真系浓味好多，而且食得出个汁有几种层次。食落几香口，本人就好欣赏。而鸡球就无咩太特别，因为咖喱味基本上都盖过哂啲味。不足系咖哩汁真系比较少，咖哩汁只系啱啱好够捞哂个饭，相信唔系个个都足够。而鸡件嘅份量都唔系多，有少少对唔住呢个价。而同枱嘅其他人食嘅野都无咩问题，都话几好食。相信之后都会再黎食。