蛇王兄小廚 (已結業)

见近排落雨，想食啲暖身嘅食物，途经呢度就search吓啲食评。睇到都觉得唔系伏就胆粗粗咁走入去食，见有个蛇羹A餐，包咗一个细蛇羹、细蛇汤同一个糯米饭，$140。佢比我食开嘅蛇王熙贵，但多咗个蛇汤，所以未食前都有啲期待。佢上菜速度都快嘅。先嚟蛇羹，佢蛇肉比例都多嘅，但汤底好重酱油嘅咸味，而唔系煲岀来嘅鲜味。而且要小心食，我自己就食到一条好细嘅蛇骨。之后我就试个汤，比我想像中少药材味，入面有啲龙眼肉同杞子，还可以，味唔算浓，无饮都唔可惜。再食个糯米饭，饭入面已捞哂酱油，我本人口味就觉得整体好咸，所以都无食哂。但个蛇羹我都系欣赏蛇王熙个种汤头，我觉得系另一层次嘅享受。所以我呢间都无下次😂