Ben哥米線

营业中

休息中

听人讲呢一间米线舖嘅自家制汤底好出色都听咗好耐一直都未有机会试，今日终于试到。我拣咗芫荽汤底嘅米线，至于𩠌方面我就叫咗推介嘅猪皮同埋墨鱼头，另外就仲有猪大肠同埋猪耳。咁多样𩠌之中墨鱼头最出色，新鲜弹牙而且份量都几足，比想像中多，至于推介嘅猪皮就冇想像中咁好，佢系同平时车仔面店食到嘅唔同嘅，佢嘅猪皮好大块而且都爽脆，佢个猪大肠都几好，因为感觉上洗得好干净同埋冇乜脂肪，猪耳仔就难得唔系麻辣，所以见到即刻嗌。芫荽汤底其实芫荽味唔算重，不过味道真系好正，值得encore。碗米线都几大碗，虽然$82食碗米线系有啲贵嘅，不过我觉得物有所值。