大豐澳門翠苑餐廳 (已結業)

喱间位于灏景湾的大丰，我间中都会嚟食吓。是日我又同d老友嚟食吓野。呢度圆枱卡位都有，当然卡位好坐好多。我地三条友，坐喺卡位都几舒服。睇吓d餐牌，都真系几多野食，睇左阵我地叫左三样野食。呢个XO酱三丝炒肠粉，又真系几特别，唔系道道有得食。配料都几多，有义烧、鸡肉、火煺、红萝白丝、芽菜、唔辣嘅红椒，葱、韮王、同埋一d细虾米，当然重有主角肠粉喇。炒得都几野味,但如果d肠粉热多少少就更加好。呢碟马拉盏炒意粉就一般左d，马拉盏有冇？有，系一粒豆豉咁大，豉油落得太多，偏咸，油亦落得太多，唔多健康，间中食一次都ok嘅。农夫包系呢度嘅代表作，咖喱牛腩农夫包我食过好多次，今次都有叫。上枱用锡纸包住，解开就闻倒香喷喷嘅咖喱牛腩味。农夫包外皮都几脆，牛腩亦几稔唔韧，我地系叫小辣，啱啱好，好好味，农夫包配埋牛腩食，真系佩服原创澳门人嘅心思。侍应d制服都几醒目，但多d笑容会更好。食物价格比一般餐厅畧贵，但平均水准都ok嘅。