影片
更多
2024-04-20
249 浏览
大角咀好多小店，呢一间经过门口觉得入边好多人，所以就入咗去食啦，入边嘅装修都几用心，系泰国嘅笃笃车🛺 色彩缤纷好热闹嘅感觉，可惜满座所以我同朋友就坐咗卡位～ 嘢食方面两个人就叫咗一个二人餐 $298 ，a拣1款，b拣2款，我觉得都几弹性，选择都多，A可以有成5个选项，仲有泰国夜市最红嘅火山排骨！我同朋友叫咗一个焗黄咖喱软壳蟹包，上到嚟份量都几大，大约系一个男仔手板咁多，咬开唔会净系得炸粉，有软壳蟹嘅蟹肉感！当然软壳蟹重点系佢嘅壳同埋出边炸浆吸咗满满嘅咖喱汁！黄咖喱比想像中唔辣，主要系香口，我觉得唔食得辣嘅都可以食，仲有蕃茄同红椒等等嘅伴碟，口感都几丰富，包嘅份量都好多，旁边嘅黄咖喱汁都足够去吸满晒成个包，唔会干噌，唔使另外再加薄饼同白饭～ B款就要左泰式肉碎生菜同鲜虾炒金边粉，泰式肉碎生菜包对我嚟讲辣到要配嘢饮💁🏻♀️ （我平时大概食开辛辣面嘅程度）炒得非常之有泰式风味，有香叶嘅味道，肉碎好多汁，生菜好新鲜爽脆，肉碎嘅份量非常多唔会唔够包菜🥬，作为前菜嚟讲好香口！鲜虾炒金边粉用左鲜虾，所以上碟都真系好弹牙同埋有海鲜味，唔会好雪藏嘅感觉，大概有八只至十只嘅份量，惊喜嘅系除咗写明既鲜虾之外
大角咀好多小店，呢一间经过门口觉得入边好多人，所以就入咗去食啦，入边嘅装修都几用心，系泰国嘅笃笃车🛺 色彩缤纷好热闹嘅感觉，可惜满座所以我同朋友就坐咗卡位～
嘢食方面两个人就叫咗一个二人餐 $298 ，a拣1款，b拣2款，我觉得都几弹性，选择都多，A可以有成5个选项，仲有泰国夜市最红嘅火山排骨！我同朋友叫咗一个焗黄咖喱软壳蟹包，上到嚟份量都几大，大约系一个男仔手板咁多，咬开唔会净系得炸粉，有软壳蟹嘅蟹肉感！当然软壳蟹重点系佢嘅壳同埋出边炸浆吸咗满满嘅咖喱汁！黄咖喱比想像中唔辣，主要系香口，我觉得唔食得辣嘅都可以食，仲有蕃茄同红椒等等嘅伴碟，口感都几丰富，包嘅份量都好多，旁边嘅黄咖喱汁都足够去吸满晒成个包，唔会干噌，唔使另外再加薄饼同白饭～
B款就要左泰式肉碎生菜同鲜虾炒金边粉，泰式肉碎生菜包对我嚟讲辣到要配嘢饮💁🏻♀️ （我平时大概食开辛辣面嘅程度）炒得非常之有泰式风味，有香叶嘅味道，肉碎好多汁，生菜好新鲜爽脆，肉碎嘅份量非常多唔会唔够包菜🥬，作为前菜嚟讲好香口！
鲜虾炒金边粉用左鲜虾，所以上碟都真系好弹牙同埋有海鲜味，唔会好雪藏嘅感觉，大概有八只至十只嘅份量，惊喜嘅系除咗写明既鲜虾之外，仲有蚬仔同埋鱿鱼🦑，唔同嘅海鲜加埋口感更加丰富，炒金边粉佢系比较湿润油香爆炒，味道唔辣，份量多～ 二人餐嚟讲食完三样嘢都好够饱
嚟到泰国铺都有好多款特色嘢饮，叫咗龙眼冰，咸柠7，野饮跟餐有半价，两杯都系$13，几抵饮，同埋都真系几辣个生菜包，一定要配清凉既野饮 🤣 龙眼冰啲龙眼落得好豪爽，差唔多有10粒，好清甜 ，解辣一流⭐️
我见到隔篱枱嘅炭烧猪颈肉系有埋一个细细嘅炭炉庆住啲猪颈肉唔会冻觉得都几贴心，下次可以再食🤣觉得价钱人均唔洗200蚊到都几相宜
张贴
