影片
更多
2019-10-02
1068 浏览
是咁的 今日机缘巧合下同女朋友仔加埋其他朋友就黎到新蒲岗食晚饭，朋友介绍呢间日本餐厅几抵食咁我地一行五人就去试下啦餐厅做紧优惠，如果落单超过400蚊咁就可以加一蚊有一份海胆咁就紧系加啦就算伏紧都系一蚊鸡啫海胆色泽都好正常系餐厅灯光偏黄啫睇个样都算新鲜每块海胆都仍然保持到佢嘅形状夹好都算实身唔会一pat野咁 初步黎讲都系合格至于味道上呢，一蚊鸡加嘅野我本身都冇咩要求唔好太伏就得，咁食落都符合预期，食落都唔多唔少食得出d明矾味不过唔算太浓还可以接受啦海胆味道偏甘但都食到淡淡嘅鲜甜味呢板海胆虽然唔系特别出色但都系合格嘅叫左个牛肉寿喜烧锅 牛肉份量都唔少 配料份量都适中可以再多d嘅咁牛肉质素都唔错起码唔会太肥又唔会食到好重雪味唔错治错至于寿喜烧汤底略嫌咸左d 因为寿喜烧应该系甜甜地果种但就食唔到果种味喇不过当系牛肉锅咁食都唔错嘅食日本野点少得寿司呢到寿司总类都唔少不过价钱就各有千秋，最平嘅我见应该就系希灵鱼9.8两件 价钱高d嘅 四十几蚊两件都有 不过整体价钱都合理希灵鱼寿司争鲜价钱不过就好食过争鲜嘅，但个人喜好就钟意醋鲭鱼果part再酸d咁成块食落去同腌制嘅飞鱼籽个对比度更大咁先好食嫁嘛呢到
餐厅做紧优惠，如果落单超过400蚊咁就可以加一蚊有一份海胆咁就紧系加啦就算伏紧都系一蚊鸡啫海胆色泽都好正常系餐厅灯光偏黄啫睇个样都算新鲜每块海胆都仍然保持到佢嘅形状夹好都算实身唔会一pat野咁 初步黎讲都系合格至于味道上呢，一蚊鸡加嘅野我本身都冇咩要求唔好太伏就得，咁食落都符合预期，食落都唔多唔少食得出d明矾味不过唔算太浓还可以接受啦海胆味道偏甘但都食到淡淡嘅鲜甜味呢板海胆虽然唔系特别出色但都系合格嘅
叫左个牛肉寿喜烧锅 牛肉份量都唔少 配料份量都适中可以再多d嘅咁牛肉质素都唔错起码唔会太肥又唔会食到好重雪味唔错治错至于寿喜烧汤底略嫌咸左d 因为寿喜烧应该系甜甜地果种但就食唔到果种味喇不过当系牛肉锅咁食都唔错嘅
食日本野点少得寿司呢到寿司总类都唔少不过价钱就各有千秋，最平嘅我见应该就系希灵鱼9.8两件 价钱高d嘅 四十几蚊两件都有 不过整体价钱都合理希灵鱼寿司争鲜价钱不过就好食过争鲜嘅，但个人喜好就钟意醋鲭鱼果part再酸d咁成块食落去同腌制嘅飞鱼籽个对比度更大咁先好食嫁嘛呢到希灵鱼就偏淡味喇不过唔想食咁重口味嘅朋友仔就啱食喇甜蛋寿司我冇食到但听到个评价系好食嘅咁睇样应该都唔错嘅至于北寄贝寿司就有少少失望，北寄贝本身已经偏细块但旧寿司饭就握得都几实兼具大旧所以整体口感就麻麻地，而且块北寄贝都冇咩应有嘅鲜甜味，呢样就争d喇至于带子寿司呢 都成三十几蚊两件，不过质素就回复番应有水平咁，带子大块食落都新鲜爽口，谢略嫌鲜甜味不足，争咁d肉汁相信系同带子嘅产地有关，不过起码佢都系新鲜嘅
顺番个上枱次序post，跟住黎嘅系炸八爪鱼丸，呢味可以唔洗试，连超市Taste嘅八爪鱼丸都好食过佢，所以唔详细评论喇
呢碟系铁板牛舌！我讲过我系好钟意食牛舌所以如果间餐厅有牛舌基本上我都会食！呢入铁板牛舌够晒火喉，上枱时热辣辣炸炸声！不过唔知点解闻落有阵㶶味虽然食晒成碟都唔觉有野㶶但上枱时真系有阵㶶味，怀疑块铁板有可能洗得唔干净，不过怀疑啫唔肯定嫁讲番味道方面，牛舌好好食，睇落以为好厚但其实厚薄适中爽口香腍，正配埋佢落好左嘅疑似烧汁简直系perfect match呢碟高质
跟住又上番寿司，唔知点解佢d寿司唔系一次过上，不过唔紧要啦，都系食落肚啫叫左朋友介绍嘅酱烧三文鱼腩寿司，呢款的确几出色而且餐厅系将涂满酱汁嘅生三文鱼腩烧到熟，而唔系先烧熟三文鱼腩之后再喺鱼肉身上涂一层酱汁，呢个做法当然会令酱汁更加融入三文鱼腩入面而且更入减低鱼腩嘅油腻感，甜甜地嘅酱汁同三文鱼腩油两者交汇，个感觉好好相反如果烧熟先再涂汁上去，酱汁同三文鱼油就会脱勾，咁样食落就会一啖酱汁味一淡鱼油香，咁样就会令到涂酱汁呢件事变得多余甜虾寿司就每件寿司配上两只甜虾，中和左呢到寿司饭偏实偏大旧嘅问题，甜虾鲜甜不过原只上嘅甜虾食落比较麻烦，仲要一件两只虾，要搞个虾头都相当麻烦不过好味嘅麻烦少少都唔紧要嘅蟹籽军舰都好足料，严格黎讲系飞鱼籽，咁味道都好正常价钱又平份量又多，抵食
仲有叫到呢个海鲜pizza，呢个pizza都有中上水平，饼底皮够薄，太厚嘅皮成口粉好影响个味道，不过佢虽然饼底够薄但可惜就唔脆，相信系火喉时间掌握得唔好或者系个饼底搓嘅时候落得太多水所导致而材料上都非常充足，有d虾、鱿鱼等等嘅海鲜配料味道都非常唔错另外叫左鳗鱼炒饭但唔记得影相，质素都唔错，鳗鱼唔系切到细细粒，系切段，而且份量唔少，不过略嫌个炒饭可以俾多d鳗鱼汁去炒咁会好食d
总括黎讲，叫左唔少野食嘅情况下都系150一个人仲有得优惠价食海胆而且唔系中伏，整体黎讲价钱都好公道，食物质素都有中等至中上水平，喺日本餐厅咁泛滥嘅香港，好多时都会食到伏野，咁呢间都算OK嘅
张贴
