台灣美食 (已結業)

有两张电影优惠券3月底到期，指定要系当区连锁戏院睇，所以是日出左黎太子食饭，食完饭杀上新世纪睇戏一条龙。就系咁拣左呢间台湾美食黎个快食。两丁友各拣左盐酥鸡球肉燥饭同椒盐鱿鱼须配台湾面。野食同餐饮都好快上枱，够效率。个盐酥鸡球肉燥饭好重口味，盐酥鸡炸得够热，唔系炸好摆系度摊硬哂果种口感，味亦香浓，个肉燥系精髓所在，有点睛作用，加强左成个饭餐既味道，呢个相宜价钱，有呢个味道，叫做交足功课，认真唔话得架喇。另一个椒盐鱿鱼须都几好咬，有嚼劲，新鲜炸物基本上系元胜，热辣辣无得输，个台湾面面质都几滑，不过汤就淡而味，适合喜欢清淡人士慢用。加钱9至12蚊可拣选特饮，我就葡萄红茶，味道ok，酸甜适中，几醒胃，食左炸野可以消下济去下油腻，而朋友拣珍珠奶茶，都几似连锁快冲饮品店质量。价钱相宜，味道不俗，份量大够哂饱肚，两个人食才120多啲左右，60，70元不到就有咁既素质，食到台湾野，实确算系咁，性价值就此而言叫ok高的了。抵食