Hungry Korean (D2 Place) (已結業)

今日同老婆去咗荔枝角行街，行行吓肚饿，所以去咗Hungry Korean食下午茶，平靓正之选。我哋叫咗鱿鱼寿司$42同辣年糕$42，都算抵食。哩间Hungry Korean比起其他分店大间同宽敞，坐得都舒服唔会迫。鱿鱼寿司都几足料，里面有蛋、泡菜、鱿鱼等，点上韩式辣酱更惹味，食得韩国嘢就一定系浓味。辣年糕都唔错，略嫌年糕煮耐咗，比较软身同无咗烟韧嘅口感，但好在酱汁搭够。个酱汁真系好惹味，甜甜微辣好浓郁，好想打包返去夜晚捞饭食。