金牌小龍 (已結業)

今日同阿妈去左尖沙咀shopping，虽然坚系超多人，但好彩好快就买完野。呢个时候梗系要揾野食！阿妈麻麻地西餐，所以就揾中式野。望见呢间铺有小笼包，又有台湾野食，应该岩阿妈食。鸡丝粉皮，青瓜仲好新鲜，粉皮都好幼滑，而麻酱又唔会太多，味道又香又唔算浓。元盅鸡汤，饮落清得黎好重鸡味，亦都唔喊，饮唔出有味精。醉鸡，全部都只系得肉无骨，酒味甚浓，冰凉得黎又带有酒香。台湾甜不辣，其实系炸鱼片，新鲜炸出黎面仲脆脆地，啲酱酸酸甜甜的。台式担担捞面，麻酱好香， 无太多既汤，捞完后有啲似麻酱捞面， 香而不溜，只系稍为辣左少少。虾肉蒸饺，入面包左虾同猪肉做馅，有肉味就唔会剩系得虾味咁寡，而且会更有口感。爆汁牛肉馅饼，入面有饱满既牛肉馅，同埋仲有好多肉汁喺到，所以食𠮶时要小心～酥炸黄花鱼，薄薄既一层脆皮食落有如炸鱼皮一样，鱼肉一样照旧鲜甜滑溜。皮唔算薄，但就可以夹上黎唔会串，可以饮返哂入面啲汤，蟹黄味唔太浓烈，味道恰到好处。