影片
更多
2018-08-03
253 浏览
呢日喺荃湾行街之后想揾间日本嘢食晚餐，喺荃新天地嘅二期见到呢间《辛味屋》同隔离嘅《札幌第一拉面》，谂著睇过两间嘅餐牌再拣，原来两间嘅餐牌系一样的，仲要系两间餐厅并排～真有趣，最后拣咗少人啲嘅《辛味屋》～晚餐有套餐又可以散嗌嘢食，大部分$60-$90 再加一，日本嘢嚟讲唔算贵，只系嫌佢嘢饮唔抵 — 转热饮要加 $5，冻饮加$8。自选套餐有招牌牛油拉面同自家制饺子，拉面正正常常，牛油味唔系好出，而饺子亦煎得唔够脆。咖喱汤唔系好辣，但味道都算浓，吉列猪扒就炸得唔错，可惜冇酱点。沙律系薯蓉来的，磨得好幼细令质感好滑～以前去过北海道旅行食过咖哩乌冬一试难忘，呢间虽然唔及当地水准咁高，但当吊下瘾都好～
晚餐有套餐又可以散嗌嘢食，大部分$60-$90 再加一，日本嘢嚟讲唔算贵，只系嫌佢嘢饮唔抵 — 转热饮要加 $5，冻饮加$8。
自选套餐有招牌牛油拉面同自家制饺子，拉面正正常常，牛油味唔系好出，而饺子亦煎得唔够脆。
咖喱汤唔系好辣，但味道都算浓，吉列猪扒就炸得唔错，可惜冇酱点。沙律系薯蓉来的，磨得好幼细令质感好滑～
以前去过北海道旅行食过咖哩乌冬一试难忘，呢间虽然唔及当地水准咁高，但当吊下瘾都好～
张贴
