百份百餐廳 (平田商場)

营业中

休息中

百分百餐厅素质向来以3只字形容：过得去。以一间餐厅标准，未至于去到不得不食嘅地步。呢间百分百餐厅连住面包店，几方便居民。首先，四川麻辣牛肉饭，调味刚好唔太咸，但食落系有辣味，如果唔特别食辣椒籽，其实接受得到，算小小辣。牛肉有香味，饭粒分开一粒粒，唔会痴住一旧咁。碟饭黎到个阵虽然未至于有镬气，但都热。另外鸡排蕃茄煎蛋意粉，汤底得蕃茄色，蕃茄渣，但冇蕃茄味，顶多系有色水嘅清汤意粉。意粉如果个汤底冇味，其实等于食冇味意粉。鸡排煎得唔错，皮脆肉嫩，咬落有口感。煎蛋就表现麻麻，普通太阳蛋漏汁。以整体表现讲，被汤底拉低分数，算合格而已。我叫左份牛油炼奶多士，牛油系一片个种，即系菠萝油个种。黎到个阵未融，因为饱唔算热，但食落饱是脆皮，算不俗。饮品就叫左杏霜同冻华田。华田算浓郁，几好味，可惜杏霜系花奶味，我唔太钟意。服务态度良好，举手一阵都有人过黎落单，卫生算干净。我会继续试呢间餐厅唔同饭菜，但暂时俾我印象系一般，可以一试。