影片
更多
2010-12-12
28 浏览
是日与朋友一敍,好彩早一日订咗位,walkin无个入到去,因舖面不大,只有二十几个位.而大部份食物都在八十元一客内,狂嗌都唔肉痛,由于朋友唔想食蟹,所以无试到,加上得两个人,所有面饭都无试,但见到人哋叫啲加拿大蟹大到不得了,人多真系要一试~由于枱较细,所以分咗两次落单,首先叫咗个中虾忙果沙律,成碟都系生果,好好味同几大碟,之后就来翡翠螺,点少少豉油十分好味同弹牙,再来豉椒圣子皇,象拔丰仔就蒜蓉蒸,仲有就系砵酒鲍鱼仔,圣子个豉椒我觉得唔够味,蒜蓉可能会好啲因为个象拔丰做得唔错,但三样嚟讲我就较钟意个鲍鱼仔,值得推介,上菜速度控制几好,唔会食唔切又唔会等餐死.跟住落第二次单,见到隔离枱食生蚝先发现头先唔记得嗌,见佢哋食珍宝蚝好大只,但到我哋叫时佢话卖晒,咁我就叫咗西非,苏格兰同美国,开头都几惊啲蚝咁大只唔好食,但食落好新鲜同价钱唔贵,仲有叫咗琵玭虾,蒸介兰同黄金虾,琵琵虾多膏多肉都系九十几蚊,肉好弹牙,蒸介兰就好清,我都系第一次食,唔错值得一试,黄金虾就同一般整法唔同,虾壳好脆,有咸蛋黄味但好多蛋黄都在碟底,而且好热,食时要小心,我哋两个人都食到几只,份量三至四人食都可以(食完先记得无影相
是日与朋友一敍,好彩早一日订咗位,walkin无个入到去,因舖面不大,只有二十几个位.而大部份食物都在八十元一客内,狂嗌都唔肉痛,由于朋友唔想食蟹,所以无试到,加上得两个人,所有面饭都无试,但见到人哋叫啲加拿大蟹大到不得了,人多真系要一试~
由于枱较细,所以分咗两次落单,首先叫咗个中虾忙果沙律,成碟都系生果,好好味同几大碟,之后就来翡翠螺,点少少豉油十分好味同弹牙,再来豉椒圣子皇,象拔丰仔就蒜蓉蒸,仲有就系砵酒鲍鱼仔,圣子个豉椒我觉得唔够味,蒜蓉可能会好啲因为个象拔丰做得唔错,但三样嚟讲我就较钟意个鲍鱼仔,值得推介,上菜速度控制几好,唔会食唔切又唔会等餐死.
跟住落第二次单,见到隔离枱食生蚝先发现头先唔记得嗌,见佢哋食珍宝蚝好大只,但到我哋叫时佢话卖晒,咁我就叫咗西非,苏格兰同美国,开头都几惊啲蚝咁大只唔好食,但食落好新鲜同价钱唔贵,仲有叫咗琵玭虾,蒸介兰同黄金虾,琵琵虾多膏多肉都系九十几蚊,肉好弹牙,蒸介兰就好清,我都系第一次食,唔错值得一试,黄金虾就同一般整法唔同,虾壳好脆,有咸蛋黄味但好多蛋黄都在碟底,而且好热,食时要小心,我哋两个人都食到几只,份量三至四人食都可以(食完先记得无影相)
整体我觉得食物好新鲜,食落唔会霉,全部都好弹(讲咗好多次,因呢个形容词真系较贴切),证明用料好好,但略兼味道较淡!而舖仔较细,像我遇着有围十多人真系嘈到死,好似落咗酒吧咁,想倾吓计就有点辛苦,此乃美中不足,但以食物去衡量值得一去再去
其实仲好想试个炒东星斑球同椒盐赖尿虾因其他食评都有推介,不过怕食唔晒所以都无叫,等下次再试过,期待佢哋会有更多新菜式,等各同好可多作介绍是次结帐六百五左右,叫咗九样,仲加埋一,地点在尖东,真系好抵,仲有全程换碟仲茶跟得好足,无错漏单,good
张贴
