indicolite RESTAURANT

营业中

休息中

过年前大家想揾间比较高级嘅餐厅食饭，大家都系湾仔返工嘅原因所以选择咗佢。食晏只有Set Lunch选择，我叫咗海鲜橄榄油辣椒旋片炒意粉$165。🥗首先嚟咗个跟餐嘅沙律，个沙律完全冇调味，只有劲少嘅橄榄油喺底。🥦然后嚟咗个餐汤，西兰花加龙虾味嘅汤。我只能讲唔系个个接受到，亦都唔系特别好饮。🍝终于黎到个主菜啦，简直吓死人。咁嘅价钱我以为会有少少摆盘，个样好似俾人料个黎，都算。味道只有辣椒味。海鲜有雪藏海鲜味。极度难食，衰过茶餐厅。☕️最后有个餐饮，等左极耐极耐。一放上枱好似俾人饮过咁，个杯野唔满。(有图有真相)之后返到公司，我就同我D朋友喺度讨论，究竟得我个主菜难食呢。以下系我朋友嘅评论:-我系叫咗羊，点知个羊好似系肯亚黎咁，简直系冇肉食，得旧骨。-我系叫牛扒嘅，佢落单嘅时候冇问我几成熟，都算。点知上到枱，个样睇落又好似几好食㖞，点知咬吾到。环境来讲其实佢唔错嘅，食物真系太差啦。我一定唔会推介俾人。