翠華餐廳 (已結業)

星期二同朋友又去新蒲岗上堂,我地又要揾食,因果日天气好热,我就话想食d冇咁热既嘢,行下行下朋友就话不如去翠华,因为够大又够冷气,坐得舒服一些,在翠华对面见到又另一间茶餐厅,朋友话都好味的,不过我地想坐得舒服一点所以最终都系选择左呢度.食物既选择都有好多的,我们分别都叫左唔同既嘢,我叫左咖喱杂菜蛋饭,朋友叫左海南鸡饭,另一个则叫左鱼腐墨丸河,海南鸡饭好快就嚟,因我地坐正系个出咖喱及海南鸡饭counter前面,卖相都好吸引㖞,有一碟三小格的酱汁及酸菜,一碗白饭,一碟鸡,一盅汤,朋友俾左件鸡我试,都好滑㖞,好味.朋友好肚饿所以成份食晒好饱.我的咖喱杂菜蛋饭,份量都唔少架,一碟饭,一碟咖喱,卖相都好靓架,有只太阳蛋放系面,只蛋煎得好靓呀,另外,咖喱的配菜都好多,有西兰花,矮瓜,蕃茄,薯仔等等,咖喱汁好香浓,都几辣的,不过同埋d饭一齐食就冇咁辣,我都好开胃呀,食晒成碟饭,但食完个口充满咖喱味道.另一个朋友的墨丸鱼腐河粉都有四粒墨丸,四件鱼腐的,份量都唔算少,卖相都吸引,个汤系鱼汤奶白色的,好似好好味咁.我地一路食一路倾计,唔使赶住走.