小野人

营业中

休息中

我哋都钟意食串烧，所以今次嚟到将军澳，食嘅就系呢间装修好舒服嘅串烧餐厅～佢哋环境都几阔落，而且好新净，坐得好舒服。餐牌真系好多选择！除咗串烧之外，仲有set lunch，真系几多选择。我地叫咗几款串烧，最推介嘅系呢几种：烤鸡肉串价钱唔贵，调味啱啱好，而且食落好Juicy，一口气食咗六串烤鸡皮串平时嘅烤鸡皮通常都会好干身，但系佢哋会保留住肉汁，食落去香口得来又唔会太干，推介烤鱿鱼串烤鱿鱼最惊就系好烟靭，佢哋就冇呢个问题啦！由于好易切，而且都算厚肉，唔错烤粉丝扇贝佢哋每日有新鲜嘅海鲜运送过嚟，今次我哋就选择咗粉丝扇贝，扇贝大大只牛肉，加埋蒜蓉食真系好惹味墨西哥烤粟米呢个真系估唔到好食！就咁望落去好似普通嘅粟米，但系佢好香甜，而且有满满嘅芝士味，小朋友食得好开心芝士捞丁呢个真系几有诚意！用铁板上热辣辣，而且面头仲有海量芝士！不过建议几个人share黎食，因为一个人食晒会有d漏糖烤牛奶方包、麻吉年糕串两个甜品都比想像中ok! 烤方包望落去好普通，但系食落内脆外软，推介！年糕串就好烟靭，麻糬控必叫满杯草莓🍓开头以为呢个系普通士多啤梨饮品，但系原来佢系用新鲜草莓即打而成，超有诚意！