一燒窰 (已結業)

我哋两条友仔出咗名好大食，所以每次食串烧都系食极都唔够。不过又因为串烧香口，都会心痕想食。今次，我哋去咗旺角女人街一烧窰，价钱亲民之余，份量十足，四百钱就食得饱。烧窰玉子烧厚厚嘅玉子烧加上秘制酱油同脆卜卜蟹籽，味道同口感都照顾得到，不过师傅可能重手落多咗酱油。鸡肾鸡肾烧到啱啱好，香脆可口，口感丰富。烟肉露笋卷平时嘅烟肉露笋卷都系切开一段段，呢到系烟肉包住原条露笋，加上忌廉酱，好特别。秋葵微微烧过嘅秋葵，配上酱油，鲜味凸出，特别喜欢佢嘅黏口感。烧帆立贝帆立贝加上秘制酱汁，烧到外面有少少焦，入面就仲保持到𠮶肉汁。粟一烧又系烧粟米咁桥？一早知你系粟一烧！呢个粟一烧非常足料，成条粟米分两份，加上香浓酱汁去烧，好香口。日本番薯仔番薯略略烧过，好香番薯甜味，正！菠野菠萝wing原片菠萝拎去烧，入口香甜，多汁多到一咬就喷晒出嚟！原条鳗鱼定食原条鳗鱼散叫都要HK$88，加HK$20就可以变定食，包埋面豉汤同前菜。面豉汤有淡淡嘅面豉味，配香滑豆腐同昆布；前菜系M佬最钟意嘅味付螺肉。长长嘅原条鳗鱼，十分厚肉，仲有浓郁嘅鳗鱼汁，正。定食仲可以半价叫饮品，呢杯蜂蜜柳橙茶，非常解渴，正！（记住Like同Shar