影片
更多
2018-10-07
36 浏览
元洲街一带都好多餐厅，今日经过就试下呢间越南嘢。餐厅环境都冇咩特别，干净企理，系一般高级茶记嘅格局，都几大，唔会同隔离台好迫，我哋揾个卡位坐，都坐得几舒服。我哋两个人叫咗两个主食，同三个小食，同一个饮品，$300有找。份量都几好，唔会话食唔饱同食剩太多。首先讲吓小食，有串烧拼盘、蒸粉包、芝士焗西兰花。个人最推介系串烧拼盘，有猪鸡牛各两串，肉质同温度啱啱好，咬落仲有肉汁，配埋个沙嗲汁一流，大推猪串烧同鸡串烧，好好味👍🏻👍🏻。个蒸粉包热辣辣，粉皮厚度啱啱好，唔会一咬就散晒之余又够包，咬落去好大阵黑椒味。而芝士焗西兰花虽然唔系越式菜式，不过我想食😂，即叫即焗，睇落啲芝士好厚，仲有拉丝，睇得出至少用咗两种芝士，啲西兰花好稔，又带有微微芝士味，唔会有漏嘅感觉。到主食部分，我哋二人叫咗一饭一面，先讲下个饭——香茅鸡肉饭，钟意捞汁嘅话呢个饭就啱晒你，鸡肉配洋葱一齐，好稔又好入味，配埋个白饭好开胃，侧边仲有啲配菜食。而另一个系熏蹄捞檬，越式熏蹄同我食开𠮶啲烧味嘅熏蹄有啲唔同。佢系有啲黑椒粒，好弹牙，配埋个捞檬汁酸酸甜甜，个檬粉有唔同配料，唔同颜色同口感，摆埋一齐面好靓。最后讲下个椰青真系好正，又大又多
我哋两个人叫咗两个主食，同三个小食，同一个饮品，$300有找。份量都几好，唔会话食唔饱同食剩太多。
首先讲吓小食，有串烧拼盘、蒸粉包、芝士焗西兰花。个人最推介系串烧拼盘，有猪鸡牛各两串，肉质同温度啱啱好，咬落仲有肉汁，配埋个沙嗲汁一流，大推猪串烧同鸡串烧，好好味👍🏻👍🏻。
个蒸粉包热辣辣，粉皮厚度啱啱好，唔会一咬就散晒之余又够包，咬落去好大阵黑椒味。而芝士焗西兰花虽然唔系越式菜式，不过我想食😂，即叫即焗，睇落啲芝士好厚，仲有拉丝，睇得出至少用咗两种芝士，啲西兰花好稔，又带有微微芝士味，唔会有漏嘅感觉。
到主食部分，我哋二人叫咗一饭一面，先讲下个饭——香茅鸡肉饭，钟意捞汁嘅话呢个饭就啱晒你，鸡肉配洋葱一齐，好稔又好入味，配埋个白饭好开胃，侧边仲有啲配菜食。
而另一个系熏蹄捞檬，越式熏蹄同我食开𠮶啲烧味嘅熏蹄有啲唔同。佢系有啲黑椒粒，好弹牙，配埋个捞檬汁酸酸甜甜，个檬粉有唔同配料，唔同颜色同口感，摆埋一齐面好靓。
最后讲下个椰青真系好正，又大又多汁，饮落好清甜，椰青好香，饮完满足晒～为呢餐越式晚餐画上完美嘅句号。
仲发现咗而家夜晚九点后入坐仲有七折添啊 咁抵 下次再黎先得！
张贴
