巨昇冰室

营业中

休息中

天時暑熱，唔想自己煮同洗，於是出街搵食。脆炸吉列豬扒配沙律$42豬扒比較薄身，外表金黃誘人，撲滿麵包糠，乾身唔油膩。一切落去，炸衣發出清脆嘅聲音，食落酥脆無比，肉質軟腍甘香，味道適中，蘸千島醬食酸酸哋更可口，配埋酸酸哋嘅薯仔三色椒沙律，一啲都唔油膩重口。蒜香海鮮炒意粉$65意粉唔粘口，爽滑有嚼口，蒜香味濃，有鮮甜嘅蜆肉、鮮魷同鮮蝦，加埋洋蔥、三色椒，好fresh。值得一讚係飲品好大杯，用金屬杯裝，睇上去更加冰涼，更解渴消暑。