滾喜火鍋專門店 (已結業)

呢排比较手紧，但又想打边炉，所以就相约同朋友试试呢间出名价钱亲民嘅任食火锅同鸡煲。餐饮有几个鸡煲火锅餐选择，价钱因应牛肉级数而唔同，最贵都系hkd278一个成人。因为朋友唔食蚝嘅关系，我地拣左任食安格斯餐。鸡煲前我地点左必食嘅自家制蛋黄鱼皮，蛋黄味超级浓厚，一食上瘾。鸡煲份量唔会过多，最怕鸡煲食到太饱打唔到边炉，食唔哂又浪费。鸡嘅肉质鲜美，个人觉得好好味，小辣真系我食到的辣度，正呀！火锅配料唔好预有好多好多选择，此终价钱真系好平，但水准唔低，有得选择嘅𩠌美味都唔错。尤其是要试嘅系牛舌，薄薄一片，一啲都唔难咬，个人觉得比安格斯牛更好味！另外仲可以试冷门嘅蒜蓉肠同西班牙黑豚肉，都好好味。最后，值得一赞再赞嘅系员工服务，有礼、有笑容，今时今日唔系每问火锅店都做到，希望佢地可以keep住超班嘅服务态度！