Cafe de Tiffany (已結業)

呢间餐厅系复古风装修嘅港式西餐厅，几有格调，主打铁板餐，位置好宽阔，仲有几张卡位同outdoor位置。餐牌除左有铁板餐之外，仲有其他饭或者意粉选择，都系可以配套餐嘅，而且价钱唔贵。当日就点左呢个铁板二人晚餐，系全包套餐，有餐包、汤、两款主菜、饮品同雪糕，好丰富。黑糖餐包细细个但好软熟，餐包系暖暖地，食落黑糖甜味好出。罗宋汤系有少少辣嘅，都好多料，有薯仔、芹菜、萝卜、椰菜同洋葱，味道浓郁，点餐包食都唔错。火焰七打牛柳配薯菜侍应上菜前将冧酒淋上热辣辣嘅铁板牛扒上，即刻产生熊熊烈火，好吸睛。牛柳点左7成熟，但都系好易切得开，完全冇筋，而且好厚身，食落充满肉汁同有淡淡嘅酒香。冰岛比目鱼配大虎虾薯菜比目鱼有两大块，外层系炸过嘅，食落几香口而且肉质唔容易散。虾都几新鲜，比较弹牙。咖啡味雪糕当日得一只味，细细杯咖啡味好浓郁。而家好少餐厅套餐唔加钱但包埋饮品同甜品，通常系二选一。所以呢个价钱黎讲，我觉得cp值好高。