影片
更多
2023-04-01
64 浏览
讲起饮啤酒就一定会谂起居酒屋啦，今日经过何文田既呢间高性价比既居酒屋，主打串烧同埋烧物，而且仲有唔同既是日推介，于是决定入去试一试。餐厅既门面充满日式既感觉，一入到去就觉得好似去到日本既居酒屋咁。虽然座位唔算好多，不过绝对坐得舒适。打开餐牌见到有唔少选择，刺身、串烧、锅物、一品料理等等应有尽有，价钱亦都唔贵，今次就叫咗几款试下。🎈萤光鱿鱼昆布渍 $45前菜就叫咗一份萤光鱿鱼昆布渍，萤光鱿鱼鲜味十足，拌埋昆布、特制酱汁同生萝卜丝一齐食，味道好夹之余仲非常开胃。🎈蜜柑鲷 $98刺身就叫咗一份蜜柑鲷，鱼皮因为有用火炙轻轻烧过，所以鱼既香味更加突出。餐厅建议第一啖先食原味，鱼肉有淡淡既蜜柑味，清甜而且肉质细腻，第二啖再加埋山葵酱油亦都好好食。🎈烧牛舌 $45第一款串烧终于到啦，牛舌烧到外焦内嫩，而且仲保留咗唔少肉汁，睇得出厨师既火候控制得好好，值得推荐。🎈烧鲜鳗鱼 $45鳗鱼好厚身但火候适中，一口咬落去感觉到好新鲜同嫩，调味亦都岩岩好。🎈烧鸡翼 $35餐厅用既系阿波尾鸡翼，Size会比一般既鸡翼大只少少。鸡翼既脂肪唔多，但肉质好鲜嫩，鸡皮亦都好焦脆，真系好唔错。🎈烧味噌猪肠 $30猪肠用味噌调
讲起饮啤酒就一定会谂起居酒屋啦，今日经过何文田既呢间高性价比既居酒屋，主打串烧同埋烧物，而且仲有唔同既是日推介，于是决定入去试一试。餐厅既门面充满日式既感觉，一入到去就觉得好似去到日本既居酒屋咁。虽然座位唔算好多，不过绝对坐得舒适。打开餐牌见到有唔少选择，刺身、串烧、锅物、一品料理等等应有尽有，价钱亦都唔贵，今次就叫咗几款试下。
🎈萤光鱿鱼昆布渍 $45
前菜就叫咗一份萤光鱿鱼昆布渍，萤光鱿鱼鲜味十足，拌埋昆布、特制酱汁同生萝卜丝一齐食，味道好夹之余仲非常开胃。
🎈蜜柑鲷 $98
刺身就叫咗一份蜜柑鲷，鱼皮因为有用火炙轻轻烧过，所以鱼既香味更加突出。餐厅建议第一啖先食原味，鱼肉有淡淡既蜜柑味，清甜而且肉质细腻，第二啖再加埋山葵酱油亦都好好食。
🎈烧牛舌 $45
第一款串烧终于到啦，牛舌烧到外焦内嫩，而且仲保留咗唔少肉汁，睇得出厨师既火候控制得好好，值得推荐。
🎈烧鲜鳗鱼 $45
鳗鱼好厚身但火候适中，一口咬落去感觉到好新鲜同嫩，调味亦都岩岩好。
🎈烧鸡翼 $35
餐厅用既系阿波尾鸡翼，Size会比一般既鸡翼大只少少。鸡翼既脂肪唔多，但肉质好鲜嫩，鸡皮亦都好焦脆，真系好唔错。
🎈烧味噌猪肠 $30
猪肠用味噌调味，食既时候完全冇任何腥或者臭味，证明厨师处理得好好。猪肠既脂肪经过炭烧之后亦都充满油香。
🎈牛小排寿喜锅 $138
餐厅提供既呢款寿喜锅系用咗关东煮法，汤底味道偏清甜，牛小排既油花好均匀，肉质亦都唔错，寿喜锅里面附有好多配菜同材料，有金菇、豆腐、香菇同芋丝等等，系唔错既饱肚暖胃之选。
🎈山椒烧BB鸽 $58
最后到既就系山椒烧BB鸽啦。一上枱就已经闻到好香既山椒同乳鸽味，虽然已经食咗好多野，但系都忍唔住流口水。乳鸽既肉质嫩滑，加上山椒真系好惹味，呢个价钱绝对系叫得过。
🎈生啤
🎈蜜瓜梳打
张贴
