梨泰院 (愉景新城) (已結業)

餐廳位於愉景新城地下，環境闊落座位舒適，店員服務殷勤，經常主動收拾碗碟，全日不設加一，又幾好喎。芝士紫菜包飯 $68餡料有黃瓜、芝士及生菜，咬落啖啖索索聲。海鮮大醬湯 $98石鍋熱辣辣食完暖笠笠，味道微辣，不吃辣的朋友都可試，配料有蝦、蜆、魷魚、豆腐等，另可+$10配白飯。天婦羅拼盤（南瓜、紫薯、金菇、翠玉瓜、湖南椒） $98賣相豐富，天婦羅炸粉薄薄咬落脆卜卜，每款都有4件唔洗爭，南瓜同紫薯最好食，外脆內軟。湖南椒有3隻，味道隻隻不同，有辣有唔辣。芒果椰子沙冰、雜莓沙冰 （+$18）惠顧任何食品可+$18加配特式飲品，芒果椰子呢個組合無得輸，最頂有層忌廉，混和後增加綿滑感。