影片
更多
2023-10-19
86 浏览
见到新开咗间望落几吸引嘅铁板烧就当然第一时间过嚟试下里面有3组可以睇住师傅整嘅位，如果惊比人望住食会尴尬仲有几张普通枱（但一场嚟到梗系望实师傅点整）拣咗全日优惠餐 $148里面包含前菜同埋有沙律然后师傅先比我地影相打咭，好大只虾见到已经好期待先上大虾同埋时蔬，摆盘都好靓大虾加咗独家调味酱汁，浓香好惹味但又咭会抢晒只虾嘅味！食完好想再追加多只因为我唔太中意葱同蒜，所以男友份牛系有落到而我果份无，但贪心嘅我两样都想试就交换咗一块落咗葱同蒜嘅香味同肉好夹，但我地都觉得唔落反而更加可以食到肉嘅味，一夹起啲肉汁就系咁滴落只碟度，忍唔住快手一口将佢放入口，烧之前有调味，就算唔点汁都已经好好食一上碟就清咗师傅好贴心咁会注意住进度，到咁上下就会开始炒饭，牛肉同烟肉都各叫咗一份头先我话唔要葱，师傅专诚问我食唔食洋葱，我话食佢先会加落去，好贴心啊！个饭底加咗蛋去炒好香，要铁板烧先有依种香味中间仲有碗味蹭汤，无咩特别就无入镜啦～原来跟餐仲有每人半份焦糖多士，因为我地唔知就加咗两份XD 每加一份都只系$10，好扺先将面包烘香，然后加牛油同大量嘅砂糖，最后再压扁，望住佢加砂糖果下好紧张，一直谂会唔会加太多？！但
拣咗全日优惠餐 $148
里面包含前菜同埋有沙律
然后师傅先比我地影相打咭，好大只虾见到已经好期待
先上大虾同埋时蔬，摆盘都好靓
大虾加咗独家调味酱汁，浓香好惹味但又咭会抢晒只虾嘅味！
食完好想再追加多只
因为我唔太中意葱同蒜，所以男友份牛系有落到而我果份无，但贪心嘅我两样都想试就交换咗一块落咗葱同蒜嘅香味同肉好夹，但我地都觉得唔落反而更加可以食到肉嘅味，一夹起啲肉汁就系咁滴落只碟度，忍唔住快手一口将佢放入口，烧之前有调味，就算唔点汁都已经好好食
一上碟就清咗
师傅好贴心咁会注意住进度，到咁上下就会开始炒饭，牛肉同烟肉都各叫咗一份
头先我话唔要葱，师傅专诚问我食唔食洋葱，我话食佢先会加落去，好贴心啊！
个饭底加咗蛋去炒好香，要铁板烧先有依种香味
中间仲有碗味蹭汤，无咩特别就无入镜啦～
原来跟餐仲有每人半份焦糖多士，因为我地唔知就加咗两份XD 每加一份都只系$10，好扺
先将面包烘香，然后加牛油同大量嘅砂糖，最后再压扁，望住佢加砂糖果下好紧张，一直谂会唔会加太多？！但实际上味道真系好邪恶啊！
仲可以半价加饮品！叫咗白桃冰号，啲沙冰好棉白桃味都好出 无叫野饮都会比热茶～
只系个杯系手摇杯，视觉上有小小唔match哈哈
除咗贴心嘅师傅，餐厅服务都好好，一有小小壳都会即换碟，依间仲要系旺角，放工食饭好方便
张贴
