1987 Kitchen (已搬遷) 新店位置

周末试下元朗西餐小店，价钱亲民，五星级享受🤩首先有餐前小食青柠泡泡，有少少酸味几开胃，可以清洗味蕾。接着有面包及甘笋忌廉汤，面包配玫瑰花牛油🌹及honey mustard😍咁靓嘅牛油好少喺小店见到，通常都系高级餐厅例如Amigo先至有👍🏻我比较钟意配honey mustard，好香好特别。主菜叫咗纽西兰草饲肉眼扒$118，我叫左最爱嘅五成熟，虽然牛扒唔厚，但系切开都系粉红色🥩牛扒唔厚感觉上好难控制生熟程度，所以有呢个水准，厨艺的确唔错👍🏻而且肉质鲜嫩，唔使加调味料都已经有本身嘅牛味。另外有波士顿龙虾蓝青口意粉$188🍝由于意粉系散叫，加$32可以跟餐有汤或沙律及饮品。意粉系手做扁意粉，咬落好有口感，但又唔会太硬，每条面都充满着丰富龙虾汁，令我想起Ritz Carlton的龙虾汤😍龙虾感觉新鲜🦞特别系个钳好好食，比较之下蓝青口就普通🤔总括来讲，食物质素性价比很高，侍应服务唔错，会主动提议主菜逐个上菜，因为餐桌比较细，如果主菜一次过黎就会很逼。