薩莉亞意式餐廳 (喜薈商場)

营业中

休息中

之前都食过呢间餐厅，贪佢够多选择，饭、意粉、pizza、小食、甜品乜都有。不过今日黎食，有啲失望。每次黎都必叫呢个多利亚，今次都唔例外，果然不负众望，好多芝士加埋肉酱，捞饭一流。仲加埋我最钟意嘅温泉蛋，呢个配搭真系冇得弹。👍之后仲有番茄海鲜意粉。有青口，虾，鱿鱼，都算多料，上台好够热，味道都唔错。可惜食食下有贝壳嘅碎，可能系炒海鲜时碎左嘅壳，呢度扣左少少分。浓厚芝士汉堡用铁板上，一层厚厚而又溶紧嘅芝士覆盖晒块汉堡。上面仲有只煎蛋，可惜已经熟晒，唔啱钟意流心蛋嘅我。侧边仲有少少粟米同薯角，出奇地个粟米好甜㖞。如果个薯角再脆啲就非常好喇。等左劲耐，点解个烟肉菠菜仲未到架呢。正想问店员之际碟食物就到了。好明显个菜系煮过龙，唔记得出餐，因为一望就知啲菜系煮到黄晒。呢方面餐厅真系要留意下喇。整体黎讲，都会再俾机会呢间公司餐厅嘅。因为真系平，两个人食四碟都系$115。