Rang Mahal Authentic Indian Cuisine (已結業)

今日去咗呢间位于中环嘅印度餐厅同朋友共晋晚餐，餐厅灯光柔和，装潢充满异国风情，墙上挂满充满浓厚印度色彩嘅壁画，环境相当舒服。值得一赞嘅系店员非常有礼貌，好客，会主动介绍各款嘅菜式，仲同我地一齐玩自拍添！而且价钱系中环黎讲都算相当亲民👍🏻睇个名完全估唔到系乜嘢汤，不过一场黎到当然要食返印度传统嘅食物。印度名汤嘅味道近似扁豆汤，入面有类似米饭咁样嘅汤料，味道带点复杂，不过系好饮既。薯蓉咖喱角份量十足，外层脆卜卜，内里系咖喱同薯蓉，趁热食就岩岩好，附上既三款唔同嘅酱汁各有特色，三种味道，一次满足。阵阵奶油香传黎，原来系奶油烤饼上枱啦！因为我想食甜野，所以今次点呢一份系香甜奶油烤饼，香气逼人，口感香脆，而且一啲都唔腻。而我最爱呢个奶油咖喱鸡，平时食印度菜最怕太辣食唔到，不过呢间印度餐厅意外地多唔辣嘅选择。奶油咖喱香甜浓郁，奶油味重，无论配米饭定系烤饼都一流呀！奶油咖喱鸡嘅鸡肉好嫩滑，口感软稔，值得一赞。最后食返个甜汤圆做甜品，为今餐马画上完美句号。喺其他餐厅食过呢个甜品，觉得口感一般，今日再次食返又觉得几唔错，虽然甜度几高，但系味道口感都几特别，我觉得人生点都要试一次嘅💁🏻‍♀️同埋原来呢间餐厅