櫻木 (裝修中)

餐厅位于湾仔，座位阔落，坐得舒服，几适合情侣拍拖，同朋友聚会又唔会太嘈，方便倾计。第一次系香港食omakase,依间算系比较平。叫左$580嘅set。其实omakase就好似法国菜咁每碟份量不多，食完一道，之后先上第二道，可以慢慢品尝。第一道系海蜇同芝麻酱菠菜。芝麻酱好香浓，同鲜嫩嘅菠菜好夹，食落好清新。牡丹虾爽滑弹牙，虾头仲有好多膏。油甘鱼好肥美。拖罗入口即溶，充满脂香，不过调味重手左啲，加上紫苏叶，抢左啲鲜味。味噌煮牛肉好韧又有筋，麻麻地。三文鱼软骨渍物,第一次食，口感爽脆，酸酸地好开胃。特别推荐左口鱼同帆立贝，前者充满脂香，后者亦够鲜甜。不过寿司里面嘅wasabi落得太重手，好呛，盖过本身鱼嘅味道。吞拿鱼手卷，碎吞拿鱼好香滑，都几足料。紫菜豆腐汤，较为清淡。最后以芝麻雪糕作结，都几浓，唔会太甜。总括黎食物较为普通，但系如果想试下omakase都可以体验下，服务都唔错，会介绍每道菜又不停加茶。