茶木‧台式休閒餐廳 (樂富廣場A區)

营业中

休息中

放工嚟食晚饭，要scan QR code 落单，一睇比实物餐牌贵咗，原来Apps自动要你加配甜品或沙律，算啦，反正都想试吓个奶茶奶冻。点左古早红烧牛肉拌面配鸭血拼素鸭、台式奶茶奶冻、抹香奶茶加奶盖少甜、追加小食糖心蛋。古早红烧牛肉拌面，拼面有少许麻辣味，都几好味，有半只糖心蛋。成碗得两嚿红烧牛肉、一件红萝卜、一件白萝卜，呢个餐要$110，得两嚿牛肉，未免孤寒咗啲。而且唔系切片，虽然牛肉都淋，但成旧咬啲牛肉摄晒牙罅，影响口感。配的鸭血、素鸭味道几好。抹香奶茶加奶盖少甜，仍然好甜，饮完好口渴。追加小食糖心蛋，呢个最唔抵食，味道Ok但$26 (仲要加一)得一只糖心蛋🥲台式奶茶奶冻，卖相好吸引，味道都几好。整体而言，味道都算OK，但埋单连加一总共$161，都几贵，份量对不起这个价钱，男士吃未必够饱。下次再来的话不会选择晚餐，午餐好似平啲。