八月芳 (已結業)

上司请食饭, Book唔到酒店中菜, 唯有来呢间, 最后食到大家都冇晒表情...其实间餐厅装修系几优雅, 可惜午市迫到椅贴椅, 嘈吵过机房, 大家要喊破喉咙先可以倾几句计...午聚二人套餐, 2位用$298 (2位起), 第3位要加$100, 未计茶芥加一...脆脆BB猪伴沙律菜-- 得3片, 1人1片, 唔脆兼冇肉, 偏咸...瑶柱海味羹-- 一向Dislike呢类汤羹, 所以觉得唔好饮系正常...碧绿鲜虾仁-- 虾仁好巨型, 但"银"胃, 大家都唔敢食得多, 食剩晒... 西兰花完全冇味, 但食清光...点心拼盆-- 分开碟上, 算系咩拼盆?!! 鸡丝脆春卷是全餐最正常的... 甫鱼滑烧卖&娥姐素粉果只是中规中矩... 花菇扣玉掌-- 鹅掌肉质唔似扣过, 爽口的, 味道平平... 原味担担面-- 很难食, 非常难食, 吃几条已为难地放下双筷... 未见过黄色的担担面, 汤味道接近清水, 面身像煮好了10分钟才拿出来...No next time...