影片
更多
2012-12-05
148 浏览
以前住荃湾果时, 都曾经帮衬过, 感觉上唔错, 抵食夹大件, 但今次专登返嚟食, 令我好失望, 因为份量又少咗, 价钱又贵咗, 质素又差咗................呢度d装修都冇乜点变, 都系有d旧式吊扇+画, 但由于太黑, 影唔到相post出嚟~无论你叫咗几多嘢食, 响你落单之后, 每枱都会送上面包同沙律, 比你一路食一路等, 但每次d面包都系食唔哂, 今次亦都唔例外, 所以我唔知如果唔够面包食, 系咪可以免费添食呢? 面包条、硬猪仔、蒜茸包成篮面包入面, 好似有面包条、硬猪仔、蒜茸包呢三款, 我地5个人, 面包条有5-6条, 硬猪仔同埋蒜茸包各有2-3个, 其实如果食哂d面包, 可以唔叫pizza, 因为都应该会几饱...........所以最好点d黑醋去食, 咁会好似冇咁饱~ 唔知系咪鬼佬面包同香港面包系唔同, 全部都系偏硬, 唯一系硬猪仔有个软心, 其余都好似食饼干咁, 一唔小心会好易界嘴....... 什菜沙律有生菜、蕃茄、洋葱、橄榄、火箭叶等等, 本身已经落咗少少醋, 所以唔需要再加其他嘢, 如果唔系会过酸.............所有蔬菜都好新鲜, 好爽口, 唔会有
呢度d装修都冇乜点变, 都系有d旧式吊扇+画, 但由于太黑, 影唔到相post出嚟~
无论你叫咗几多嘢食, 响你落单之后, 每枱都会送上面包同沙律, 比你一路食一路等, 但每次d面包都系食唔哂, 今次亦都唔例外, 所以我唔知如果唔够面包食, 系咪可以免费添食呢?
面包条、硬猪仔、蒜茸包
成篮面包入面, 好似有面包条、硬猪仔、蒜茸包呢三款, 我地5个人, 面包条有5-6条, 硬猪仔同埋蒜茸包各有2-3个, 其实如果食哂d面包, 可以唔叫pizza, 因为都应该会几饱...........所以最好点d黑醋去食, 咁会好似冇咁饱~ 唔知系咪鬼佬面包同香港面包系唔同, 全部都系偏硬, 唯一系硬猪仔有个软心, 其余都好似食饼干咁, 一唔小心会好易界嘴.......
什菜沙律
有生菜、蕃茄、洋葱、橄榄、火箭叶等等, 本身已经落咗少少醋, 所以唔需要再加其他嘢, 如果唔系会过酸.............所有蔬菜都好新鲜, 好爽口, 唔会有烂或变色等问题忌廉三文鱼阔面
其实应该叫阔条面先啱, 因为佢系一条条果种, 唔系一块块果种, 好易混淆................阔面煮得软硬适中, 我最怕果d林到一pat, 唔驶咬都已经烂哂果d, 佢呢度煮得好啱, 而且个忌廉汁都好香, 但如果可以再多d汁就更好...........三文鱼唔系原旧, 系碎湿湿的, 咁样可能会容易share比大家食挂?
香草脆烤羊架
呢个羊架等咗好耐, 当其他食物食得八八九九时, 个羊架先上枱, 当万众期待的时间, 竟然令大家失望.........因为个羊架系超肥, 差不多系一半肥膏一半肉+骨, 层肥膏成吋厚, 真系想叫佢退返唔要, 但又废事人地难做, 因为可能羊架系要咁肥先好食挂? 羊架大约有8条骨, 面层虽然焗到好香好脆, d肉又好嫩, 但都盖唔到佢d羊膻味, 同埋比层肥膏扣哂分, 最膻都唔系d肉, 而系垫底果d薯茸, 因为d羊油比佢吸哂, 而d膻味系来自羊油, 所有d薯茸系膻到食唔到.............
酱烧美国猪肋骨
以前食过记得系好大旧, 但今次见番, 个size好似细咗一半, 已经系叫净猪肋骨, 冇跟配其他, 但都系得半只碟多少少咁长, 明明记得以前有成只碟咁长架嘛, 而家竟然冇, 好失望............个猪肋骨本身已经涂咗烧烤酱去烧, 所以点唔点佢跟的酱都冇所谓, 已经好香, 而d肉就林到可以唔驶用刀切都已经散出嚟, 所以我地切开果阵, 搞到个肋骨碎湿湿..........
拌碟的薯条唔错, 热辣辣, 脆卜卜, 唔知系咪猪肋骨皂份量细咗, 所以加咗薯条呢? 我记忆中的猪肋骨好似冇拌薯条的?
12"意式锦绣薄饼
睇匀咁多款pizza, 都好似冇乜馅料, 唯独系呢个叫做多d馅料, 而价钱又唔算太贵, 所以叫嚟试下,,,,,,,,,,,,,,,,,,个pizza有好多肠、肉, 啱哂男士食, 因为啖啖肉, 但我觉得油腻咗少少..............
呢度d待应成日都好忙, 叫人果阵永远要等好耐, 而且果度又灯光昏暗, 好难见到人...............大家仲要小心, 因为个个上菜的待应都托住个大碟, 一唔小心撞到佢就大件事, 好彩个个都身手敏捷,,,,,,,,,,,,,,,,
张贴
