HASH CAFE (已結業)

新开张装修都几靓，但见到餐牌都有啲贵，买咗杯外卖芝士四季春，比起一般奶盖饮品都算贵。见到饮品餐牌都冇乜芝士奶盖嘅选择，除咗四季春都冇其他芝士奶盖茶类饮品。奶盖都算系挺身，不过要求走冰嘅时候，店员话不设走冰，否则奶盖会塌下，最后只好要求少冰。茶底见到店员有加糖浆，所以略带甜味，奶盖带浓芝士味，亦带甜味。整体来说，都算好饮，若然可以走冰就更好，饮起试黎唔会饮到大大旧冰块，价钱偏贵，偶然饮一杯都可以接受。