源品車仔麵茶餐廳

营业中

休息中

系维园游完水之后，时间已经系2:30，中午都未食，真系觉得好肚饿，🤤朋友话差唔多10年冇去过大坑，想睇下大坑有冇变到，离开维园游泳池后我地沿铜锣湾道一路行入去，中途经过浣沙街，再慢慢行入啲内街，见到一间茶记个名叫做源品，系食车仔面既。🤔一开头入去既时候系冇咩人既，之后慢慢越黎越多人，一入去餐厅老细都好殷勤咁招待我地，落完单仲同我地讲唔该哂，我去过咁多间餐厅冇一间系会咁有礼貌，所以呢间餐厅既职员既服务态度真系要一赞。服务态度好，食野都食得开心啲。环境方面，佢系一般车仔面既格局，地下大致都干净既，无咩垃圾，不过间餐厅比较细，坐位比较迫，如果大返小小会坐得舒服啲。至于食物方面，友人叫佐车仔面套餐 ($46)，先讲啖汤先，饮第一啖觉得有少少辣味又有少少甜味，一碗面有三𩠌，朋人叫佐猪红，鱿鱼同埋萝卜。鱿鱼食落好新鲜，亦有浓浓既咖哩味。至于萝卜呢就好鲜甜，猪红有好多旧，食完一定好够饱。至于我呢，我就叫佐奶油多士（$18），上碟时佢系切开佐4块，件多士整得好脆，配上浓浓既炼奶，食完真系好想整多一碟。我地两个都叫佐冻柠茶，杯冻柠檬茶既味道系岩岩好既，唔会话太甜太酸。我觉得同出面既质素差唔多。