君怡酒店咖啡屋 (裝修中)

二百零蚊嘅自助餐确实系香港好难揾，而佢真系有广告上噱头嘅面包蟹和长脚蟹脚等类型嘅吸引食物供应，在6:30pm开始时上述两款食品确实准备充足，但经一轮抢食之后，7：30pm已停止补货，其他可选择嘅热食不多，但味道都算不错，饭面完全欠奉，甜品和雪糕一般。最搞笑嘅系厨师系走出嚟唔系睇下有咩食品要补充，而系去睇每台仲有冇食紧嘢，又话睇下系咪食紧甜品等收工。 我跟朋友忍唔住系8:15pm先跟侍应反映，佢就好礼貌咁回应话厨师 准备紧补充，但足足等咗15分钟都系冇反应，又再忍唔住向经理反映，今次就用咗五分钟就攞多6只面包蟹出嚟咁多应酬咗就算喇！食自助餐要食到要叫先有。仲要唧牙膏咁样做，真系好少见。另外，全场热到冇人有，唔知系咪第二策略，仲有见到一个伏系饮品柜！ 见到有一家三口个位爸爸唔小心攞咗一罐开咗饮，侍应就话畀佢听规矩系要全家受靶每位28蚊任唔任服务，最搞笑𠮶啲系3、4蚊罐嘅韩国品牌饮品。