影片
更多
2023-12-28
2574 浏览
虽然我肥尸大只，十度以上仲顶得住，但十度如下就顶唔到啦觉得冻啦! 原本想话去D深水埗露天大排档提早做冬，都迫于无奈，转去D室内地方，但大排档引仍然发作，于是去D室内嘅大排档，又想试试新嘢，于是去咗深水埗街市上面大利大排档.首先，哩个深水埗熟食中心，环境绝对讲唔上干净! 其实连红磡，牛头角，旺角，佐敦，D熟食中心都系咁! 问题系..... 大家都系政府嘢，大埔粉岭上水就干净企理! 九龙哩边就爱理不理! 下删千字粗口!睇个地下，厕所，同D通道就绝对唔开胃，但楼底极高好有空旷感，冬天就话舒服，唔知夏天冷气够唔够.我地一行三人，条待应妹妹俾咗张超污糟又角落唔舒服嘅位俾我地，女友小熊脸色即黑，我提意转场，待应妹妹即刻俾张舒服干净D嘅位俾我地.点咗姜葱鱼云，椒盐豆腐并椒盐鸡软骨，蒜蓉豆苗同黑椒牛仔骨.优点:1, 姜葱鱼云煲有大量我大爱嘅葱段，搅到好似葱先系主菜，鱼云肉质嫩滑有鲜味，满意.2, 黑椒牛仔骨有大量洋葱, 又好似洋葱先系主角.3, 价钱大众化，望埋去D小菜都系 under 100蚊.缺点:1, 姜葱鱼云煲讲明系姜，但姜少得可怜!2, 椒盐鸡软骨过硬，食唔落好浪费!3, 牛仔骨过火变韧.4
首先，哩个深水埗熟食中心，环境绝对讲唔上干净! 其实连红磡，牛头角，旺角，佐敦，D熟食中心都系咁! 问题系..... 大家都系政府嘢，大埔粉岭上水就干净企理! 九龙哩边就爱理不理! 下删千字粗口!
睇个地下，厕所，同D通道就绝对唔开胃，但楼底极高好有空旷感，冬天就话舒服，唔知夏天冷气够唔够.
我地一行三人，条待应妹妹俾咗张超污糟又角落唔舒服嘅位俾我地，女友小熊脸色即黑，我提意转场，待应妹妹即刻俾张舒服干净D嘅位俾我地.
点咗姜葱鱼云，椒盐豆腐并椒盐鸡软骨，蒜蓉豆苗同黑椒牛仔骨.
优点:
1, 姜葱鱼云煲有大量我大爱嘅葱段，搅到好似葱先系主菜，鱼云肉质嫩滑有鲜味，满意.
2, 黑椒牛仔骨有大量洋葱, 又好似洋葱先系主角.
3, 价钱大众化，望埋去D小菜都系 under 100蚊.
缺点:
1, 姜葱鱼云煲讲明系姜，但姜少得可怜!
2, 椒盐鸡软骨过硬，食唔落好浪费!
3, 牛仔骨过火变韧.
4, 蒜蓉豆苗蒜蓉不足.
一份钱一份货，试过一次就算了，如果唔系价钱较平相信俾负评了.
张贴
