影片
更多
2023-12-04
1083 浏览
朋友生日饭，去咗呢度午餐，五个人叫咗五个套餐，猪肋骨相当唔错，份量虽然略少，但系觉得火候几好，味道亦都算系OK，配埋啲饭都足够饱肚，煎鱼柳就细份一啲，虽然雪藏货都唔可以要求太高啦，一般水准啦，肉酱意粉就好粥份量，味道相对冇咁好，因为酱汁似乎过多，令到个意粉比较「黐立立」，同埋好似「琳」得滞，猪扒就系连骨嘅，够厚，肉质OK，不过因为系黑毛猪，可以拣几多成熟，我今次拣咗全熟，觉得太「鞋」，下次有机会我觉得拣八成熟更好，应该肉汁更加多，食落会口感好啲；基本上每个套餐都系跟饭，同埋少量嘅西兰花、椰菜花、红萝卜片。另外个餐汤系西兰花汤，都煲得几好，有足够嘅西兰花味，又唔会太过浓，餐包当然不嬲都系水准好好嘅，配酸忌廉令人有一种清新开胃嘅感觉，沙律都唔错，啲菜都几新鲜，份量一般啦。唔算太多或者太少，都合适四五个人分享嚟食嘅，餐饮水准一般，冇话特别好，都系普普通通啦总体嚟讲性价比都几好，因为环境坐得舒适。早啲book位就可以book到梳化位，系坐得几舒服嘅，如果现场排队就可能要坐其他位置啦，不过都OK嘅，招呼都好好，令人舒适愉快嘅一个午餐地点。今次冇叫牛扒，不过之前试过就觉得肉质好普通，尤其是食唔晒，
张贴