金牌海鮮火鍋 (已結業)

上次试左火锅，今日嚟试下饮茶食点心！叫左"招牌烧腩"$118,卖相简洁切得十分精致，每件大细一样，夹起来不会有皮同肉一夹就分开嘅情况出现，外皮十分之脆口，而肉质和肥膏分布好平均，食落不会有干的感觉但又不会太油，这样除了肉质好之外还要有功力先可以做到！"手拆鲜虾肠粉"$58,初初上枱觉得平平无奇，但夹起食落肠粉厚薄刚好，虾非常大只同新鲜弹牙，再加上佢嘅甜豉油张我带返去以前小时候好食茶楼点心的感觉！"烧卖"比其他餐厅唔同嘅系佢虾下面再加左啲发菜，整体新鲜好味但又冇乜特出！"叉烧包"都系同其他唔系好大分别，但佢新鲜即叫即蒸同用料十分亦值得赞！"包罗万有"依个其实系升级版嘅棉花鸡加少少排骨、蟹柳同一只小鲍鱼，又系初初上枱觉得平平无奇，心谂只系改左个名就收我贵啲，点之食落佢个汁真系不得了，我谂应该系加左少少包鱼汁落去，全部料都吸收晒啲汁非常味道！最后经理为我们送上绿豆沙作结尾，味道不太甜亦煲到起晒沙！果然系有质素的中菜！