木金餃子製作所 (已結業)

小弟好耐之前，见到其他高手推介呢间系观塘的饺子小店，于是趁机会来到舖头，感受一下所谓的「仪式感」。（人到中年先至见识下，尴尬）小店简单的偏日式的白底装潢，比小弟一种舒服的感觉，而且十分干净；净系环境已经加左唔少分。废话唔多讲，都系讲返主角－饺子。舖头可以选择的饺子种类唔算特别多，但系都可以拣Ｄ特别ge口味（例如泡菜）。小弟第一次帮衬，都系先求稳阵，所以拣左韭菜猪肉同埋椰菜玉米猪肉两种口味（传统口味唔会伏？）；饺子比起外面食到的较为大只，味道都系正常发挥。最令我惊喜ge，系今日的「时日浓汤」－黄金南瓜汤；而且「仪式感」原来系因为要我地自己用特制小汤壶，将个汤倒落去汤饺个碗上面。「哗，人一世物一世，都系第一次见识到，原来饮个汤都可以搞到好似日本茶道甘，有工具有特定步骤」但系，个南瓜汤并唔系浪得虚名。个汤见到少少南瓜蓉，但唔系「融Ｄ唔融Ｄ」，而系个汤浓而不「杰」，好滑溜。于是，成个南瓜汤饺食落去，又系可以用「舒服」黎形容。除左饺子外，另外再加左份炸蚝。炸蚝配搭少少沙律菜同酱汁，算系减少油腻感；蚝仔算唔错，真心食到蚝的咸鲜味，但好似系两至三只细蚝仔包埋一起炸，变相食个时外面层吉列皮会较为松散。