小念頭 (億利工業中心)

营业中

休息中

亿利工业中心多美食就大家都知，但原来有啲餐厅都有素食选择㖞，例如 9 楼嘅 「小念头」。🤔🍱 唐扬豆腐 $68 豆腐用天妇罗形式炸过，咬开薄薄嘅脆皮就系好嫩滑嘅豆腐，超好食。面头嘅萝卜茸加埋跟嚟嘅汁食，好鲜味。图中好似油炸鬼嘅物体其实系炸腐皮嚟嘅，真系好少食天妇罗式炸腐皮，非常过瘾，但有次食过就系炸冬菇嚟嘅，所以配菜未必次次一样㗎。😀餐跟饮品同面豉汤，汤有时有块日本鱼蛋，睇下你饮唔饮喇😅。饮品我试过冻铁观音同冻茉莉绿茶都唔错，记得少冰更能试真茶味。😉本身跟饭，加 $16 转沙律，好大碗，材料又新鲜。🥗加咗 $12 要个中华沙律，$8 要个山药蓉（山药即系淮山）。中华沙律冇咩特别，山药蓉原来系秋葵，牛油果啲 friend 嚟，即系滑潺潺 😆。望落去白色一 pat 冇咩特别，但加埋酱油同葱粒食好正，问店员拎埋 wasabi 加埋食就更完美。🥰🍳 铁板太阳蛋炒野菜 $75上枱时唔系铁板系个锅，亦都唔系太热。太阳蛋煎到㶶边，锅入面有野菌，椰菜，烧到微微㶶都几香口。😋加 $16 转咗冷乌龙，超好食㖞，够冻，食落好爽口同弹牙，紫菜，芝麻同葱配埋啲汁食，好香好好味。非常推介。💯餐厅好受欢迎所以 wa