影片
更多
2014-06-09
6812 浏览
同朋友仔咁耐无见，真系要叹番餐好既 ﹗想黎 Felix 试好耐架喇，今晚第一次帮衬，事前做足资料搜集，见网上评语好怀参半，都系亲身试过先知既。得出结论，舒舒服服慢慢叹左两个钟，十分满意，好正 ﹗经过半岛酒店大堂，走到侧边走廊搭 lift 直上 28 楼，步入大厅即见无敌海景，好正呀 ﹗无遮无掩够晒开扬，唔太高又唔太矮，刚好欣赏到好靓既圣誔灯饰 ﹗ Book 唔到 window seat 添，坐窗边就更正啦，不过枱与枱比较近啰。四周环境宁静，热氛浪漫，最衰音乐比较 rock 左啲，播吓舒情、Jass、钢琴更好啦。侍应们大部份为男生，殷勤热情，食得舒服。发现今晚全厅九成食客都系外藉人仕，完全无大陆人 ﹗Felix 已换上圣誔布置，好靓呀 ﹗同半岛大堂既装饰好配合。望落去仲以为系吊灯，再睇真啲，完来系座枱架，扮圣誔树啰。依张枱侧边有楼梯架㖞，系咪比食客上枱跳舞或致辞呢？厨房就系后面喇。Ipad menu，好方便呢 ﹗有相可以睇，点解唔 install 多几种语言呢？只有英文版本乍㖞。实在太多菜色喇 ﹗花多眼乱，似乎择选食 set 好啲，可以试多几款，第一次黎散叫真系有点头痛呢。只有两个 se
经过半岛酒店大堂，走到侧边走廊搭 lift 直上 28 楼，步入大厅即见无敌海景，好正呀 ﹗无遮无掩够晒开扬，唔太高又唔太矮，刚好欣赏到好靓既圣誔灯饰 ﹗ Book 唔到 window seat 添，坐窗边就更正啦，不过枱与枱比较近啰。四周环境宁静，热氛浪漫，最衰音乐比较 rock 左啲，播吓舒情、Jass、钢琴更好啦。侍应们大部份为男生，殷勤热情，食得舒服。发现今晚全厅九成食客都系外藉人仕，完全无大陆人 ﹗Felix 已换上圣誔布置，好靓呀 ﹗同半岛大堂既装饰好配合。望落去仲以为系吊灯，再睇真啲，完来系座枱架，扮圣誔树啰。依张枱侧边有楼梯架㖞，系咪比食客上枱跳舞或致辞呢？厨房就系后面喇。Ipad menu，好方便呢 ﹗有相可以睇，点解唔 install 多几种语言呢？只有英文版本乍㖞。实在太多菜色喇 ﹗花多眼乱，似乎择选食 set 好啲，可以试多几款，第一次黎散叫真系有点头痛呢。只有两个 set 选择，一个系厨帅精选 main course 食日本和牛，另一个 set 就可以拣食羊柳或煮海鲈鱼，见食评称羊非常好食，牛就麻麻地，今次试左羊同鱼先啦。点菜后，谂谂吓，点解唔 order 两个唔同既餐呢？可以一和牛一羊架㖞，和牛餐有我好钟意既蚝汤呢 ﹗一时醒唔起添 ﹗唯有下次啦。3 款 table bread，听唔清楚位侍应哥哥既介绍添，隐约听到最前面系香草，最后系橄油，哈哈 ﹗我真系好少可全部面包食晒，虽然只系室温唔系热辣辣，但真系好好好味 ﹗Table bread 系 all you can eat，可以不继 refill，但要留肚食其他野呀 ﹗好香浓面包香味同小麦香味，质感非常软垫。如果唔系用面包焗炉翻热面包，不如唔好翻热喇，如用微波炉翻热会将鲜味同质感破坏晒。羊奶芝士烟鱼块沙律，先黎个头盘，唔记得左个菜名喇 ﹗鲜鱼味夹杂住淡淡既咸香，味道不呛而清新，质地弹而嫩滑带肉汁，高水准。薄薄既羊奶芝士跟萝勒、火箭菜配上微酸带甜既 dressing，味道香甜而丰富，好味 ﹗卖相就唔洗讲啦。香煎日本带子配羊奶芝士及耶路撒冷忌廉，其实每道菜既菜名同配料都好难记啊，哈哈 ﹗第二道菜用既羊奶芝士，chef 细心地分开上，怕某些食客受不到羊奶既骚味。我都同样试几口先，香而带微微羊膻味，蓝芝士味道比佢重十倍啦。侍应哥哥先放低杯羊奶芝士泡沬，就将耶路撒冷忌廉倒入碗度，再介绍一番。我依家将羊奶芝士跟耶路撒冷忌廉捞混，质感幼滑，味道香而带微弱既甜味。带子煎得非常鲜嫩，又弹又滑，两面煎得金黄香口，肉汁丰富湿润，好正 ﹗清淡既 dressing 配上海鲜味浓既带子，完全食到带子既真味，Good。炆鸡髀肉卷，其实将鸡髀去骨变为鸡扒，卷成卷状去炆，炆好就切片，所以咪一个个圆形啰。汁既味道同演绎方法都好中式，几得意，我觉得好搞笑既 fusion。味道似红烧汁、酱油味，哈哈。鸡肉炆得入味，质感软腍嫩滑。配上小棠菜或杏仁片同吃，口感更添丰富而特别，腍、滑、脆、咽靭、爽口。最后食埋片生菜配沙律酱清清味蕾去完结此道浓味菜色，预备迎接下一道美食 ﹗慢烤羊柳 5 成熟，终于轮到传说中既主菜烤羊柳喇 ﹗烤得十分十分软腍又棉棉的啊，肉既纤维真系好 soft 好 smooth ﹗羊肉味香浓，而略带微微羊膻香味，Juicy 既羊肉再配埋淡淡甜味既 dressing，已经唔知点形容，总之非常好食 ﹗系口腔内松软而湿润既感觉，Very good ﹗黑鳕鱼柳卷配龙虾汤，非常漂亮既卖相，见到已流晒口水喇 ﹗黑鳕鱼柳中间卷住虾胶。食落虾胶质感似鱼蛋㖞，较为腍身，味道偏咸左少少呢，而且似鱼肉多过虾胶，鲜味欠奉，要扣点分数。鳕鱼味道偏淡，不过如果配埋香浓龙虾汤一齐食，味道刚刚好，超美味呢 ﹗甜品，开心既晚餐又到尾声喇。我一向都不好甜的，但今晚餐饭咁正，为左要完满地结束，黎个甜品啦 ﹗最底层系凉浸浸既雪梨啫喱、上面系幼滑既 cheese cake，将佢地同时放入口中，不太甜啱晒我，味道清新而不腻，唔错噃。半岛酒心朱古力，最终有机会试到半岛好出名既自家酒心朱古力喇 ﹗我爱黑朱古力既甘苦再配上酒香，好享受呢 ﹗半岛烤芙同花生糖，都系半岛自家制作，我对糖果麻麻地，不过照试吓啦，不过不失啰。第一次食晚餐会有咁多款甜品作谢幕架 ﹗先黎 cheese cake，再黎朱古力同花生糖，最后再黎新鲜士多啤梨 jam 慕丝，由淡食到浓，每款甜品都好有心思 ﹗今晚完满结束，好幸福 ﹗非常满足 ﹗以为完左，原来仲有架 ﹗最后最后我以香浓即磨热咖啡作终结，朋友仔则以花茶作 happy ending，爽乎 ﹗超叹 ﹗回家了 ﹗非常开心的一次晚餐 ﹗
张贴
